Namaskar doston!
Aj ka din mere liye bohot khaas hai ! Kyunki aj se main ek nayi journey start ki hai - blogging ki journey.
Shayad aap soch rahe honge blogging? Kyun? To chalo main apko apni kahani batata hoon.
Main ek chote se district ka ladka hoon. Mere ghar ka financial condition jada achhi nhi thi bachpan se hi maine dekha hai ki mere maa - baap din bhar kaam karte hai, sirf isiliye ki humlog achhe se khana kha sakein or achhe se padai kar sakein. Bohut bar mann karta tha ki kuch alaag karun, lekin har sapna paison ki deewar se takra jata tha.
Lekin ek cheez thi jo mere paas thi -mera sapna or meri chaahat. School ke dino se mujhe likhna bohut pasand tha. Jab Mobile mila, tabhi socha ki isse sirf video dekhna nahi, kuch likh v sakta hoon fir ek din google pe "free main blog kaise suru karein" likha, aur waha se meri digital journey start hui.
Blogging mere liye sirf likhne ka zariya nahi hai -- ye meri awaaz hai. Ek garib ladke ki awaaz. Jise duniya sun nahi Rahi thi. Main chahta hoon ki mera likha hua haar lafz kisi ke dil ko choo le. Shayad aap v kabhi kisi muskil se guzre hon, toh aap mere blog mein apni kahani dhoond sakein.
Main haar din ek Blog likhne ki koshish karunga.
• kabhi apni life se jude kahaniyan
• kabhi investment or paise kamane ka tips
• kabhi blogging ke tricks
• aur kabhi ek chhoti si motivation
Mujhe paata hai shuruwat main log hasenge. Bolenge blog likh ke kya hoga ?
Lekin main likhta rahunga -- kyunki apke pass agar kuch rehne layak baat hai to to duniya ek na ek din sunegi !
Agar aap ye padh rahe ho, to thank you! Aap mere pehle pathak ho. Aap hi ho jo mere yeh safar mein mera pehla kadam dekh rahe ho.
Aap sabhi se ek hi guzarish hai -- mujhe padhte rahiye, support kariye, aur agar apka bhi koi sapna hai to usse jeene se kabhi maat darna.
Dhanyavaad!
-- kishore ( ek choti si awaaz digital duniya Mein )
Comments
Post a Comment